De entroido porquenospeta!

Este Sábado, no Centro social A Galheira (Praça de Sam Cosme) todas as familías colectivizaremos farrapada, complementos e cousas para nos mascarar e improvisar o nosso entroido.

As crianças vam poder colocar e remover todas as prendas e complementos as vezes que quiserem até dar com o seu. As maiores também, e depois, todas juntas sairemos a viver o entroido polas ruas de Ourense.

Esperamos-vos a todas e cada uma de vós! É tempo de entroido!

Coma sempre a actividade é gratuíta, mas pedimos a vossa colaboraçom para trazer cousinhas que tenhades pola casa e poder disfarçar-nos lá! E instrumentos musicais também (servem os feitos na casa a última hora).

O Nadal, em galego

Por que nos peta, no próximo dia 21 de Dezembro vamos celebrar em Ourense um encontro para celebrar o nadal no nosso idioma! A cita é a partir das 17h no Centro social A Galheira (na Praça de Sam Cosme), contaremos com a presença teatral e musical da Apalpadora, e também haverá merenda e jogo. Estám convidadas todas as crianças galego-falantes do mundo mundial!

O Magosto também é um espaço galego-falante!

Todos os anos, por volta do dia 11, celebra-se no monte Alegre, em Ourense, umha das festas mais mágicas do país. É um magosto que desde há décadas leva organizando o movimento associativo da cidade (começou a Auriense, continuou a Esmorga, e hoje mantém o relevo a Galheira), e que, desde a manhám até a noite, convirte a carvalheira na que se celebra num espaço indescriptível de encontro, festa, música, lume, convívio e magia.

O Magosto de Sempre é um acontecimento que ningumha criança galega da comarca de Ourense deveria perder, e por isso desde o #porquemepeta animamos-vos a participar. neste ano a data escolhida é o próximo sábado dia 10 de Novembro, mas para participar do jantar cumpre anotar-se antes do dia 7 nalgum dos lugares que saem no cartaz.

O lugar no que se celebra o Magosto é umha carvalheira o suficientemente agachada, mas também o suficientemente acessível 😉 Desde o aparcadoiro do Jardim Botánico, apenas é começar a caminhar cara abaixo…e seguir o som da música, e o arrecender do lume em Outono.

Vemo-nos lá!

Neste Outubro, as crianças galegofalantes de Ourense tenhem umha cita beeeem rica!

Do #porquemepeta organizamos mais umha actividade de encontro de crianças galego-falantes, coordenada com  A Galleira, com motivo da celebraçom do Samaim:  um obradoiro de cozinha, guiado por umha cozinheira de luxo e cheio de sabores da temporada: terá lugr o Domingo 28 de Outubro, a partir das 17h00 no local da AAVV Casco Vello (Rúa Liberdade 21).


Para inscrever-se é necessário enviar mensagem ao número 667665157, indicando nome da criança participante, antes do 25 de Outubro. Só serám aceites as 20 primeiras inscriçons, porque o espaço é limitado. A inscriçom é gratuita, mas era bom as crianças levarem um avantal para cozinhar.


Menu: pizza com produtos de temporada e sobremesa de cabaça. As elaboraçons serám degustadas, depois da sua preparaçom, entre todas as crianças participantes. Se alguma criança tem particularidades na dieta, pode ser mencionado no momento de fazer a inscriçom.

Na Galiza em galego!

Fim de semana de campismo #porquemepeta

Tes crianças? Falades galego? Tendes planos para o 25 e o 26 de Agosto? Que tal um fim de semana na montanha entre nenas e nenos galegofalantes?!

Do #porquemepeta vamo-nos de fim de semana ao Camping Maceira, em Covelo, e desta vez animamos-vos expressamente nom só à gente de Ourense, mas de todo o país,  a que participedes desta jornada de convívio entre nais, pais e crianças galegofalantes. Eis o plano:

Temos reservada umha zona do Camping para nós. Chegaremos ao longo da sexta-feira, e ficaremos ali até o domingo, em total duas noites. Os preços do camping som estes:

PREÇO  DIÁRIO

18,90 € por parcela*
5,90€ por adulta
4,90 € por criança de 3 a 12 anos
gratis menores de 3 anos

(*) As parcelas som grandes, assim que se houver muita gente apontada poderiam-se instalar facilmente duas tendas numha parcela, repartindo-se o custo da mesma. Nesse caso devolveria-se a metade do dinheiro adiantado por este conceito.

Para assistir a esta atividade é necessário reservar previamente, fazendo o ingresso correspondente no número de conta ES23 3070 0043 0161 2964 9221 (com o conceito “acampamento 2018”) e escrevendo um e-mail a acampamento2018@porquemepeta.gal, anexando o justificante do ingresso e detalhando o número de pessoas que assistirám.

Cumpre dar-se presa! É necessário fazer a reserva antes do 27 de Julho.

17 de Julho, “Festa da Água”!

Na próxima terça-feira, dia 17 de Julho, continuamos com as atividades do #porquemepeta em Ourense. Se queredes passar um dia de rio entre ciranças galegofalantes, achegai-vos a partir das 12h ao Parque Lonha. Haverá jogos com água e ficaremos jantar ali de piquenique!

Podes ver aqui todas as atividades que faremos em Ourense nesta segunda metade do 2018

#porquemepeta todo o ano!

 

Depois da boa acolhida da festa-encontro-homenagem às crianças galegofalantes que celebramos em Ourense no passado Dia das Letras, as pessoas que estivemos detrás da iniciativa pensamos que a cousa nom podia ficar em apenas um dia ao ano. Assim que decidimos converter #porquemepeta numha “marca” ou “palavra de ordem” por volta da qual juntar periodicamente nenas e nenos galegofalantes, para se conhecerem, apoiarem e reforçarem mutuamente. E nom só em Ourense! Libertamos a ideia do #porquemepeta (e o logo, e o seu blogue e o seu twitter…) para todas aquelas pessoas, em qualquer lugar do país, que queram utilizá-lo com a sua ideia original: organizar atividades que sirvam de encontro e reivindicaçom das nenas e nenos que falam galego.

Contamos-vos a ideia que temos aqui, em Ourense, por se pode servir de inspiraçom a alguém mais: vamos elaborar um calendário, e em cada mês vai haver umha “atividade #porquemepeta”: dumha vez pode ser umha excursom ao rio, doutra a participaçom numha festa popular, se calhar no inverno fazemos umha sessom de cinema em galego, ou noutra ocasiom preparamos um obradoiro de música ou de cozinha… O caso é ter umha vez por mês um ponto de encontro no que as crianças galegofalantes podam encontrar-se e relacionar-se em galego. Anunciaremos essas actividades, colocaremos nesse espaço umha bonita faixa na que ponha”Porque me peta, espaço galegofalante”, e pouco mais… esperamos que a iniciativa sirva, como mínimo, para fazer comunidade entre crianças, pais e nais sensibilizadas pola sobrevivênica do nosso idioma.

Primeira cita: Sam Joám!

E começamos!  A primeira atividade #porquemepeta em Ourense, depois do Dia das Letras, será o Lume Novo que A Galheira organiza na Praça de Sam Cosme o próximo sábado. Desde as 19:00, todas as nenas e nenos galegofalantes estám convidadas a participar nos jogos e atividades que vamos preparar ali do #porquemepeta. Vamos brincar em galego com o lume e as ervas de Sam Joám…estades convidad@s!