Início

O idioma galego está em perigo de extinçom. Por toda a parte, cada dia, as novas geraçons desconhecem e deixam de usar a língua que é fundamento e veículo da nossa identidade colectiva, o idioma que contra vento e maré foi mantido e transmitido através dos séculos, mas que hoje nengumha criança fala… Nengumha?? Nom!!

No nosso país ainda há nenas e nenos que vivem em galego, no mais difícil dos contextos, protegendo com o seu pequeno exemplo de imensa dignidade a semente da nossa língua. Frente a maioria das crianças, frente a TV e o cinema, frente o mundo que as rodeia, frente muitas hostilidades abertas ou veladas… na Galiza do século XXI há pequenas e pequenos galegofalantes, a quem a Galiza enteira deve, talvez, a sua última possibilidade de futuro.

É por isto que um grupo de pessoas de Ourense decidimos celebrar o Dia das Letras de 2018 rendendo-lhes umha homenagem: fazendo umha festa em honor e agradecimento a todas as nenas e nenos que falam galego. E chamamos-lhe a esta inciativa “por que me peta!“, essa expressom galega de orgulho infantil que também Celso Emílio recolheu naqueles versos:

“Lingoa proletaria do meu pobo eu fáloa porque sí , porque me gosta / porque me peta e quero e dame a gana”

 

A Festa

O lugar é Ourense, e a data é no próximo 17 de Maio de 2018.  Polo próximo Dia das Letras, vamos fazer um presente a todas as nenas e nenos que falam galego: umha festa com música, jogos, comida, magia, contos, pintura, água… feita com carinho e com orgulho para todas as crianças que cuidam do nosso idioma, e som a garantia do seu futuro.

No nosso blog e nas redes sociais iremos dando detalhes do espaço, os horários e as atividades da festa, enquanto os vaiamos confirmando

O Vídeo

Para a Festa do Dia das Letras, queremos elaborar um vídeo no que muitas pessoas, representando o país,  intervenham dirigindo-se às nenas e nenos que falam galego (às que o vejam ao vivo no 17, e a todas as que o verám através da Internet), e agradecendo-lhes o facto de manterem vivo o idioma.

Queremos que pessoas do mundo da música, do desporto, da TV… mas também de qualquer outro ámbito laboral ou social, se dirijam às crianças para lhes mostrar o seu agradecimento por falar galego. Em definitivo, queremos umha mensagem de agradecimento do nosso país às nenas e nenos que conservam o nosso idioma, para que sintam o importante que é o seu gesto diário, e o orgulho que sentimos por elas e por eles.

Para fazer isto queremos difundir um chamamento a que a gente faga e envie pequenos vídeos de 5 ou 10 segundos, que depois se montarám num único. Se queres participar, podes gravar o teu vídeo com o teu telemóvel, mas agradeceriamos-che que o fagas com a melhor qualidade de imagem e de som possível. A ideia é que, com as tuas próprias palavras, digas algo assim como:

Este é um exemplo…tu fai-no com as tuas próprias palavras. Se, por exemplo polo teu trabalho, podes fazer que no vídeo se vejam alguma dessas cousas nas que reparam as crianças (um barco, um guindastre, um cenário, um tractor, umha aula, um instrumento…), pois ainda melhor!

Quando tenhas feito o teu vídeo, fai-no-lo chegar por umha das seguintes vias:

                       

 

Também te animamos a que subas o teu vídeo às tuas redes sociais, baixo o hashtag #porquemepeta

Colabora!

Queres colaborar com este projecto? Fam-nos falta maos e ideias, assim que es da comarca de Ourense… nom o duvides, une-te a nós! E nom esperes, escreve-nos umha mensagem já!

Também necessitamos fundos para financiar a Festa, assim que se podes e queres colaborar economicamente com o projecto, agradeceremos-che muito que o fagas participando no nosso Crowdfunding:

 

 

Se queres, também podes colaborar com esta iniciativa fazendo a tua doaçom em criptomoedas. Eis os endereços que habilitamos para receber ajudas em bitcoins e ether:

BTC:  1P72ZCfY4ssS5M76yyXF5wiEuroeCNS662

 

 

ETH: 0x2e678F0Ab5f0B6cc2f026493eAa793dE29532182